सुनाखरी न्युज/ काठमाडौं ।
एसियाली फुटबल महासंघ (एएफसी) ले एएफसी यू–२० वुमेन्स एसियाकप छनोटको ‘ड्र’ बिहीबार जारी गरेको छ र त्यसमा नेपाल समूह ‘बी’ मा परेको छ ।

नेपालको समूहमा परेका अन्य टिममा यूएई, प्यालेस्टाइन र नर्दन मारिया आइसल्यान्ड छन् । छनोटका खेल मार्च ४ देखि १२ सम्म प्यालेस्टाइनमा हुनेछ । छनोटमा कुल ३१ टिम रहेका छन् र तिनलाई आठ समूह विभाजन गरिएको छ ।

प्रत्येक समूहको विजेताले छनोटको दोस्रो चरणमा स्थान बनाउने छन् । दोस्रो चरणका खेल जुन ३ देखि ११ सम्म हुनेछ । त्यसमा पनि उत्कृष्ट चार टिमले उज्वेकिस्तानमा हुने यू–२० वुमेन्स एसियाकपमा खेल्नेछ ।