सुनाखरी न्युज/ हेटौंडा ।

नेकपा (एकीकृत समाजवादी) बाट मकवानपुर–२ मा प्रतिनिधिसभा सदस्यका उम्मेदवार रहेका विरोध खतिवडामाथि हातपात भएको छ ।

मकवानपुरको मनहरी गाउँपालिका–४ मसिनेमा बुधबार  चुनावी सभामा पुगेर गाडीबाट ओर्लनेबित्तिकै एक जना पुरुषले उनीमाथि हातपात गरेका हुन् ।

खतिवडामाथि हातपात गर्ने व्यक्ति उपमहानगरपालिका–२ का अन्दाजी ५५ बर्षीय  पुरुषोत्तम खड्का रहेका बताइएको छ । हातपात गर्ने खड्कालाई जिल्ला प्रहरी कार्यालय मकवानपुर प्रहरीले नियन्त्रणमा लिएर अहिले अनुसन्धानका गरिरहेको छ ।

प्रारम्भिक अनुसन्धानमा खड्काले मादक पदार्थ सेवन गरेको र पुरानो रिसइबीका कारण खतिवडामाथि रिस साँधेको पाइएको छ ।