सुनाखरी न्युज/ काठमाडौं । दक्षिण अफ्रिकामा एक गिर्जाघरले खोलाको किनारमा आयोजना गरेको धार्मिक समारोह चलिरहँदा एक्कासी बाढी आएपछि कम्तीमा १४ जनाको मृत्यु भएको छ ।

शनिबार त्यस गिर्जाघरका धर्मावलम्बी खोलाको किनारमा रहेको ढुङ्गा माथि उभिएर प्रार्थना गर्ने क्रममा बाढी आएपछि उनीहरुलाई बगाएर लगेको एक प्रत्यक्षदर्शीलाई उदृत गर्दै बिबिसीले उल्लेख गरेको छ ।

तीन जना अझै बेपत्ता रहे पनि जोहानासबर्गको जुकेस्की खोलामा खोजी कार्य हाललाई रोकिएको बिबिसीले जनाएको छ ।