सुनाखरी न्युज/ काठमाडौं । नवलपुरमा यात्रुबाहक बस र ट्रक ए- आपसमा ठोक्किदा बसमा सवार १७ जना घाइते भएका छन् ।

महेन्द्र राजमार्ग अन्तर्गत नवलपुरको विनयी त्रिवेणी गाउँपालिका–१ विनयी खोला नजिक आज बिहिबार बिहान ५ बजे बस र ट्रक ठोक्किएर दुर्घटना भएको हो । घाइते मध्ये गम्भीर अवस्था दुई जनालाई भरतपुर पठाइएको र अन्य घाइतेहरुको मध्यविन्दु अस्पतालमा उपचार गरिएको जिल्ला प्रहरी कार्यालय नवलपुरले जनाएको छ ।

बाग्लुङबाट भैरहवा जाँदै गरेको लु १ ख ४६७० नम्बरको बस र पश्चिमबाट आउँदै गरेको लु २ ख ८९३ नम्बरको ट्रक ठोक्किएको प्रहरीले बताएकाे छ । बसमा ३० जना यात्रु सवार थिए ।

दुर्घटनाकाे थप अनुसन्धान भइरहेकाे जिल्ला प्रहरी कार्यालय नवलपुरले जनाएकाे छ ।