सुनाखरी न्युज / सल्यान — सरिता ओलीलाई धारिलो हतियार लिएर मार्ने प्रयास आरोपमा जेठाजु जीवन ओलीलाई प्रहरीले पक्राउ गरेको हो । बुहारीको हत्या प्रयास आरोपमा जेठाजुलाई प्रहरीले पक्राउ गरेको छ ।

पक्राउ परेका ओलीलाई अहिले जिल्ला प्रहरी कार्यालय सल्यानको हिरासत कक्षमा राखिएको प्रहरी निरीक्षकले बताए । घरायसी विवादका कारण रिसको आवेगमा आएर शनिबार राति ओलीले बुहारीलाई कुटपिट गरी मार्ने प्रयास गरेको उनले जानकारी दिए ।

उनका अनुसार श्रीमान वैदेशिक रोजगारीमा गएकाले सरिता घरमा बच्चाबच्चीसँग बस्दै आएकी थिइन । उनी भागेपछि ओलीले बच्चाबच्चीलाई समेत कुटपिट गर्न खोजेका थिए । स्थानीयले बच्चाबच्चीलाई भगाएर बचाएका थिए । सरिता भागेपछि जीवनले जथाभावी हँसिया प्रहार गर्दा घरमा रहेका नौ पशुचौपाया मरेका छन । यता सरिताका आफन्तीले जाहेरी दिने तयारी गरिरहेको र घटनाको अनुसन्धान भइरहेको उनले जानकारी गराए ।