किरण गिरी ।

१
” ॐ तत सत ” को रहस्य भित्र ,
सकारात्मक सोच र
रचनात्मक जिबनशैली नै
सफल जिबनको प्रमुख आधार हो ।
अहं ब्रम्ह तत्व ” म ” लाई चिनौं
आफै सार्बभौम र सफल छ , जिन्दगी । –

२
म नै हो जीवन
हरेक स्वास , प्रस्वासमा ब्रम्ह तत्व ” म ” लाई चिनौं ।
म भित्र को ” म ” लाई खोजौं ।
आफै सफल छ जिन्दगी ।
म भित्र कै संसार रोजौं ।
आफै सार्थक छ जिन्दगी ।
जति सुख खोजौ , आफैमा खोजौ ।
आफू संग जे छ त्यसैमा रमाऔ ।
मस्ती भरे जिन्दगीमा ,
जीवन जिउने कला आफै भित्र छ ।
३
म नै प्राण हो जीवन
जिबनलाई स्वर्ग बनाउने कि ? नर्क बनाउने ?
त्यो पनि आफैमा निर्भर छ ।
धन सम्पत्ति भन्दा ठूलो खुसी ,
आनन्द र सन्तुष्टिमा छ ।
” म ” भित्र नै छ त्यो आनन्द र सन्तुष्टी ।
आफू संग जे छ त्यसैमा रमाऔं ।
” म ” भित्र कै श्वास , प्रस्वासको खेल हो
जिन्दगी कहिले र कहाँनेर सकिन्छ ?
कस्ले जानेको छ र ?
४
पल पल म नै हो जीवन
हामी जिउदै जिउदो छौ आभास गरौं ।
ब्रम्ह तत्व ” म ” लाई बुझौं ,
आफै सार्बभौम र सफल छ जिन्दगी ।
प्रत्येक पल पल उल्लासमय बनाऔं ।
प्रत्येक सेकेन्ड सेकेन्डमा रमौं र रमाऔं ।
जीवन जिउने कला आफैमा खोजौ ।
नि:शुल्क प्राप्त हुने खुसी र आनन्द ,
आफैभित्र रोजौं ।
सुख र आनन्द बाहिर होइन ,
अन्तर आत्मामा ” म ” मा नै खोजौं ।
५
म नै बिश्व प्रम्हाण्ड को जीवन ।
एक पटक प्राप्त जिन्दगीमा ,
खुलेर हासौं खुलेर बाचौं ।
यहि नै हो सफल जिन्दगी ।
यही हो सार्थक जिन्दगी ।
आफू भित्रको ” म ” लाई खुसी राखे ,
संसार जित्ने छ , जिन्दगी ।
६
म नै भगवान हो जीवन ।
म भित्र को ” म ” लाई बुझ्दा ,
बुध्द बन्यो जिन्दगी ।
म भित्र कै ” म ” लाई जान्दा ,
राम बन्यो जिन्दगी ।
म भित्र को ” म ” लाई चिन्दा ,
भगवान बन्छ जिन्दगी ।
७
” ॐ तत सत ” हो जीवन ।
सदा सकारात्मक ” म” अनी
रचनात्मक बनाउदै ” म ” लाई ।
आफै सार्बभौम “म ” ब्रम्ह हो जिन्दगी ।
यही ” म ” नै ब्रम्ह , पुर्ण ब्रम्ह हुदै
परम ब्रम्ह हो जिन्दगी ।

२८ मंसिर २०७९
चिसो सिरौटोका बिच काठमाडौं बाट
लेखक – नेपाली कांग्रेसका निबर्तमान केन्द्रीय सदस्य एबं महासमिति सदस्य हुन ।