सुनाखरी न्युज/ विराटनगर । मोरङ र सुनसरीमा भएको सवारी दुर्घटनाबाट १ जना बालक सहित ३ जनाको मृत्यु भएको छ ।

हिजो बेलुका ४ बजे मोरङको सुन्दरहरैचा नगरपालिका ४ चरिगुवा स्थित भित्रि सडकमा दक्षिणबाट उत्तर तर्फ जादै गरेको को २ त ३०५४ नम्बरको ट्याक्टरले बाटो क्रस गर्दै गरेको साइकललाई ठक्कर दिई दुर्घटना हुँदा साईकल चालक सोही स्थान बस्ने धर्मलाल सरदारको छोरा ९ बर्षीय मिलन सरदार घाईते भएका थिए । घाईते बालकको बिराटनर्सिङ होम अस्पताल बिराटनगरमा उपचारको क्रममा बेलुकै सभा ५ बजे मृत्यु भएको छ ।

यसै गरी हिजो बेलुका सभा ७ बजे सुनसरीको बर्जु गाऊपालिका १ गोपि चोक स्थितमा रोकी राखेको को.१त ६७७४ नम्बरको ट्याक्टरमा को.३४प. ६४७८ नम्बरको मोटरसाईकल ठक्कर खाई दुर्घटना हुँदा गम्भिर घाईते भएका मोटरसाईकलमा सवार मोरङको रंगेली नगरपालिका १ बस्ने २७ बर्षीय धिरेन्द्र सरदार र सुनसरीको बर्जु गाऊपालिका ५ बस्ने २६ बर्षीय निरज सरदारको नोबेल अस्पताल बिराटनगरमा उपचारको क्रममा बेलुका साढे ७ बजे मृत्यु भएको हो । दुवै दुर्घटनामा संलग्न सवारी साधनहरु प्रहरीको नियन्त्रणमा रहेको छ भने चालक फरार रहेकाले खोजतलास भईरहेको छ ।