सुनाखरी न्युज / काठमाडौ – काठमाडौंको तारकेश्वर नगरपालिका–३ स्थित जंगलमा वृद्धाको हत्या गरेर लुटेको आरोपमा प्रहरीले एकजनालाई पक्राउ गरेको छ । मंसिर २२ मा तारकेश्वर नगरपालिका–६ पुसल घर भएकी ९० वर्षीया डिल्ली पुतुवार मृत भेटिएकी थिइन । उनी तारकेश्वर–३ स्थित पारिवन पाखा सामुदायिक वनमा मृत भेटिएकी हुन् ।

पुतुवारको हत्या भएको अनुसन्धानबाट थाहा भएको उपत्यका अपराध अनुसन्धान कार्यालयका प्रवक्ताले बताए । हत्या आरोपमा प्रहरीले तारकेश्वर–६ घर भएका नरेन्द्र शिवभक्तिलाई पक्राउ गरेको छ । हत्या तथा लुटपाटको आरोपमा अपराध अनुसन्धान कार्यालयले सोही ठाउँका नरेन्द्र शिवभक्तिलाई पक्राउ गरेको छ।

हत्यापछि उनले वृद्धाको साथमा भएको नगद तथा गहना लुटपाट गरेको प्रहरीको भनाई छ। वृद्धालाई घरबाट नरेन्द्रले नै लिएर गएको र जंगलमा पुर्‍याएपछि ढुंगाले हानेर हत्या गरेको एसपी कोइरालाले बताए।