सुनाखरी न्युज/ काठमाडौं ।कञ्चनपुरको कृष्णपुर नगरपालिका-५ मछलिपुल नजिकै ट्याक्टरमा मोटरसाइकल ठोकिँदा एक जनाको मृत्यु भएको छ।

हिजो साँझ ६ बजे सुदूरपश्चिम प्रदेश ०१ ००८ प ५५ ८७ नम्बरको मोटरसाइकलले सोही दिशातर्फ जाँदै गरेको म १ प ६१ ८९ नम्बरको स्कुटरलाई ओभरटेक गर्ने क्रममा विपरीत दिशाबाट आउँदै गरेको से२ त ८२० नम्बरको ट्याक्टरमा ठोकिँदा दुर्घटना भएको हो। मृत्यु हुनेमा ५५८७ नम्बरका मोटरसाइकल चालक शुक्लाफँटा नगरपालिका-८ का ३० वर्षीय कृष्ण साउद रहेका छन्।

उनको उपचारका क्रममा मायामेट्रो अस्पताल धनगढीमा गएराति ९ बजे मृत्यु भएको हो। तीनवटै सवारी साधन, स्कुटर चालक र ट्याक्टर चालकलाई नियन्त्रणमा लिएको इलाका प्रहरी कार्यालय गुलरीयाले जानकारी दिएको छ।