आज साझँ ६ बजे कतार एअरवेजको जहाजबाट दोहा हुँदै फ्रान्स जान लागेका हुन् । अध्यागमनले शोभराजलाई डिपोट गर्ने  शोभराजका वकिल गोपाल शिवाकोटीले बताए । उनलाई आजै केन्द्रीय कारागार रिहा गरी अध्यागमन लगिएकाे थियाे । उनी  केहीदिन  नेपाल बस्न चाहेका थिए ।  शिवाकाेटीका अनुसार सुरक्षाकाे कारण देखाउँदै आजै डिपाेट गर्न लागेकाे हाे ।

दुईजनाको हत्या र एकको हत्या प्रयास मुद्दामा अदालतबाट दोषी ठहर भई १९ वर्षदेखि नेपाली जेलमा रहेका शोभराजलाई सर्वोच्चले ज्येष्ठ नागरिकले पाउने कैद छुट दिएपछि ९ महिना कैद मिनाहा दिएको हो । सर्वोच्चका न्यायाधीशद्वय सपना प्रधान मल्ल र तिलप्रसाद श्रेष्ठको इजलासले बन्दीप्रत्यक्षीकरणसम्बन्धी रिटमा उनलाई तत्काल जेलमुक्त गरी १५ दिनभित्र सम्बन्धित देशमा पठाइदिन बुधबार आदेश दिएको थियो ।