मोरङको बिराटनगर महानगरपालिका–४ स्थित एयरपोर्ट नहरबाट प्रहरीले गाँजासहित एक जना युवकलाई पक्राउ गरेको छ ।

पक्राउ पर्नेमा बिराटनगर–११ घर भएका २८ वर्षीय अर्पण राई छन् । को ३८ प ७९५१ नम्बरको स्कुटरमा सवार राइको साथबाट ५ किलो गाँजा बरामद गरिएको जिल्ला प्रहरी कार्यालय मोरङले जनाएको छ ।

आरोपी बिरुद्ध लागुऔषध मुद्दामा म्याद लिएर अनुसन्धान भइरहेको जिप्रका मोरङका डिएसपी टिका बहादुर कार्कीले रातोपाटीलाई बताए ।