सुनाखरी न्युज/ काठमाडौं । भारतबाट आयात गरिएको अवैध माछा प्रहरीले बिहीबार राति बरामद गरेको छ।

भारतबाट लुकाईछिपाई ल्याइएको मुङ्ग्री माछा विराटनगर महानगरपालिका–६ बाट नियन्त्रणमा लिइएको मोरङ प्रहरीका डीएसपी टीकाबहादुर कार्कीले जानकारी दिए। उनका अनुसार जिल्ला प्रहरी कार्यालय मोरङबाट खटिएको टोलीले लगभग ५ सय किलो जिउँदो माछा बरामद गरेको हो।

माछा १ लाख २५ हजार मूल्य बराबरको रहेको प्रहरीले जनाएको छ। विभिन्न निकायसँग समन्वय गरी खाल्डो खनेर शुक्रबार माछा नष्ट गरिएको कार्कीले बताए।