शिशिर उजाड/ पोखरा । पोखरा महानगरपालिका वडा नं १९ घार्मीमा रहेको भुमे मैदान बहुउद्देश्यीय सामुदायिक समुहको चौथो साधारण सभा सम्पन्न भएको छ।

साधारण सभाको अवसरमा समुहले २०७८ सालको एस इ इमा उत्कृष्ट हुने समुहका सदस्यका सन्तती, जेष्ठ नागरिक, सहयोगदाता र विभिन्न ओहोदामा रहेका व्यक्तिलाई सम्मान गरेको छ। सम्मानित हुनेमा एस इ इमा उत्कृष्ट हुने साजन पौडेल,सबिता पौडेल, शर्मिला पौडेल जेष्ठ नागरिक इन्द्र प्रसाद पौडेल, भिम प्रसाद पौडेल,एकनाथ अधिकार, तुलसी पौडेल, मन्धरा पौडेल, सहयोगदातामा छविलाल पौडेल, हरिप्रसाद पौडेल र कृष्ण प्रसाद पौडेल सहितकालाइ सम्मान गरिएको छ। उनीहरूलाई कार्यक्रमका प्रमुख अतिथि समुहका जेष्ठ सदस्य शिवप्रसाद पौडेल र समुहका अध्यक्ष रामचन्द्र पौडेलले सम्मान गर्नुभयो।

यसअघि साधारण सभाको उद्घाटन गर्दै प्रमुख अतिथि पौडेलले असल सोच र सहकार्यबाट नै समाजको विकास गर्न सकिने बताउनुभयो। समुहका अध्यक्ष पौडेलको अध्यक्षतामा भएको कार्यक्रममा महेन्द्र मावि विद्यालय व्यवस्थापन समितिका अध्यक्ष बैकुण्ठ पौडेल, समाजसेवी डिल्लीराम पौडेल, भुमेश्वर आधारभूत विद्यालयका अध्यक्ष शिवप्रसाद पौडेल, प्रधानाध्यापक दुर्गाप्रसाद पौडेल, सम्मानित व्यक्ति ईन्द्र प्रसाद पौडेल, छविलाल पौडेल, शर्मिला पौडेल, समुहका उपाध्यक्ष दुर्गादेवी पौडेल लगायतकाले समुहका विषयमा वोलेका थिए। कार्यक्रमको सञ्चालन समुहका सदस्य एवं महेन्द्र मावि विद्यालय व्यवस्थापन समितिका अध्यक्ष बैकुण्ठ पौडेलले गर्नुभएको थियो।