सुनाखरी न्युज/ काठमाडौं । लिबर्टी कलेजका एक कामदार त्यहाँ रहेको इनारमा मृत फेला परेका छन् । काठमाडौँ महानगरपालिका-२९ अनामनगर भाटभटेनीस्थित कलेजको भवनभित्र रहेको इनारमा भक्तपुर नगरपालिका-५ भेलुखेत घर भई हाल काठमाडौँ टेकु बस्ने ४० वर्षीय राम देउला मंगलबार मृत अवस्थामा फेला परेका हुन् ।

उता झापाको दमक नगरपालिका-१ बरगाछी टोल बस्ने ६४ वर्षीय भीम बहादुर एक्तेन सोही ठाउँस्थित आँखा शिविर अस्पताल अगाडि मंगलबार मृत अवस्थामा फेला परेका छन् ।

त्यस्तै चितवन, भरतपुर महानगरपालिका-१८ डाँडागाउँ भन्ने स्थानमा रहेको पुल मुनी सोही ठाउँ बस्ने ४५ वर्षीय बिक्रम गुरुङ बुधबार मृत अवस्थामा फेला परेका छन् । घटनाहरूबारे प्रहरीले अनुसन्धान भइरहेको जनाएको छ ।