सुनाखरी न्युज/ काठमाडौं ।
सरकारले आमसञ्चार सम्वन्धी कानुन छिट्टै ल्याउने भएको छ । सञ्चार तथा सूचना प्रविधिमन्त्री एवं नेपाल सरकारका प्रवक्ता रेखा शर्माले आमसञ्चारसम्बन्धी आवश्यक कानून शीघ्र ल्याइने बताएकी हुन् ।

मन्त्रालयमा बुधबार आमसञ्चार क्षेत्र सुधार समिति’को प्रतिवेदन बुझ्ने क्रममा उनले सूचना प्रविधिको क्षेत्र दिनहुँ परिवर्तन हुँदै गएकाले यो क्षेत्र सुधारका लागि नयाँ कानुनको आवश्यकता औँल्याइन् ।

मन्त्री शर्माले सूचना प्रविधिको बद्लिँदो स्वरूपले आमसञ्चार क्षेत्रमा थपिएका चुनौतीको सम्बोधनका लागि सूचना प्रविधि र आमसञ्चार क्षेत्रका कानूनको प्रक्रिया अघि बढाइएको जानकारी दिइन् ।

आमसञ्चार क्षेत्रको समग्र सुधारका लागि आवश्यक नीति, कानुन तथा नियमनका विषयमा सुझाव दिन नेपाल सरकार ९मन्त्रिस्तर० को गत फागुन २६ को निर्णयानुसार वरिष्ठ पत्रकार सुरेश आचार्यको संयोजकत्वमा सो समिति गठन गरिएको थियो ।