सुनाखरी न्युज/ काठमाडौं । गोल्डेन नेचर बोर्डिङ स्कुलमा चित्रकला प्रतियोगिता सम्पन्न भएको छ।

पोखरा महानगरपालिका, वडा नं. ३०, खुदी–ढुङ्गेपाटनमा अवस्थित गोल्डेन नेचर बोर्डिङ स्कुलले आफ्नो शैक्षिक क्यालेण्डरमा उल्लेख भएबमोजिम कक्षा १ देखि कक्षा ३ सम्म अध्ययनरत विद्यार्थीहरूका लागि चित्रकला प्रतियोगिता सम्पन्न गरेको छ ।

विद्यार्थीहरूमा रहेको प्रतिभा प्रष्फुटन साथै चित्रद्वारा भाव प्रकट र चित्रकलामा थप निखार ल्याउने उद्देश्यले आयोजित उक्त प्रतियोगितामा कृशल रत्नले प्रथम स्थान प्राप्त गर्न सफल भए भने विकल्प राईले द्वितीय स्थान, पुरव पहारी र दिवश पौडेलले तृतीय स्थान र रोश्मा गर्वुजा र समिप छिनालले सान्त्वना स्थान प्राप्त गर्न सफल भए । उक्त कार्यक्रमको संयोजन विद्यालयका शिक्षिकाहरू रञ्जिता थापा र धन कुमारी गुरूङले गर्नु भएको थियो ।