सुनाखरी न्युज/ काठमाडौं ।

त्रिभुवन अन्तर्राष्ट्रिय विमानस्थल भित्र महिलाले प्रयोग गर्ने शौचालयमा अटोमेटिक टेल मेसिन (एटीएम) बाट स्यानीटर प्याड लिन सक्ने व्यवस्था सुरु गरिएको छ ।

विमानस्थल महाप्रबन्धक प्रतापबाबु तिवारीका अनुसार महिला शौचालयमा स्यानिटरी प्याडका लागि एटीएम मेसिनसहित स्यानिटरी प्याडको व्यवस्था गरिएको हो । सार्वजनिक पछिल्लो तीन महिनाको कार्यविवरणमा यस्तो उल्लेख छ ।

शौचालयमा नेपाली धुन बज्ने व्यवस्था समेत गरिएको उनले जनाएका छन् । विमानस्थल भित्र वृद्ध, गर्भवती, अशक्त र बच्चाका लागि चेकइनमा प्राथमिकता दिने व्यवस्था गर्दै बस्नका लागि समेत छुट्टै कुर्सीको व्यवस्था मिलाइएको उनले बताएका छन् । र्‍याम्प बसमा समेत उनीहरुका लागि छुट्टै सिटको व्यवस्था गरिएको उनले बताएका छन् ।