सुनाखरी न्युज/ काठमाडौं ।

प्यालेस्टिनी र इजरायली स्रोतका अनुसार इजरायली सेनाले मङ्लबार गाजापट्टीको दक्षिणी भागमा रहेको राफाह सीमा क्रसिङमा आक्रमण गरेको छ ।प्यालेस्टिनी स्रोतहरूले सिन्ह्वालाई इजरायली ट्याङहरूले राफाह सीमा क्रसिङमा आक्रमण गरेको तथा इजरायली सेनाले यसलाई नियन्त्रण गरी प्यालेस्टिनीहरूलाई क्रसिङबाट सर्नबाट रोकेको बताए ।

गाजाको जनरल अथोरिटी फर क्रसिङ एन्ड बोर्डर्सको विज्ञप्तिमाअनुसार राफाह सीमा क्रसिङ र केरेम शालोम दुवैमा यात्रु र मानवीय सहायताको आवागमन रोकिएको छ ।इजरायली सेनाले सीमा क्षेत्रमा ट्याङ्की आक्रमण गरिरहेको भिडियो सावैजनिक गरेको छ । यसैबीच, सामाजिक सञ्जालमा जारी गरिएका अन्य तस्बिरहरूमा राफाह सिमानाको प्रवेशद्वारमा इजरायली झण्डा फहराएको देखाइएको छ ।

युद्धग्रस्त तटीय इलाकामा २.३ मिलियनभन्दा बढी प्यालेस्टिनीहरूका लागि राफाह सीमा क्रसिङ एक मात्र एक मध्याम हो । सोमबार राति इजिप्टले प्यालेस्टिनी पक्षलाई राफाह क्रसिंगको प्यालेस्टिनी पक्षको वरपर इजरायलको सुरक्षा अभियान मङ्गलबार बिहान समाप्त हुने जानकारी दिएको एक उच्चपदस्थ सुरक्षा अधिकारीले सिन्ह्वालाई बताए ।

इजिप्टले इजिप्ट र गाजा पट्टीबीचको एकमात्र मार्ग राफाह क्रसिङको प्यालेस्टिनी पक्षको वरपर इजरायली आक्रमणको बारेमा सोधपुछ गरी इजरायलले मङ्गलबार बिहान अपरेसन समाप्त हुने प्रतिक्रिया दिएको स्रोतले जनाएको छ । स्रोतका अनुसार इजरायलले क्रसिङमा प्रवेश गर्ने छैन वा यसलाई नियन्त्रण गर्ने छैन ।   रासस/सिन्ह्वा