सुनाखरी न्युज/ काठमाडौँ ।

भारतीय प्रधानमन्त्री नरेन्द्र मोदीको तेस्रो कार्यकालको सपथपछि भएको संक्षिप्त भेटमा शेख हसिनाले भविष्यमा सम्बन्ध बलियो बनाउन नयाँ सरकारसँग मिलेर काम गर्ने इच्छा व्यक्त गर्नुभएको बङ्गलादेशका विदेशमन्त्री मोहम्मद हसन महमुदले बताउनुभयो ।प्रधानमन्त्री शेख हसिनालाई आइतबार राजधानी दिल्लीको राष्ट्रपति भवनमा भएको शपथ ग्रहण समारोहमा आमन्त्रित गरिएको थियो ।

प्रधानमन्त्री शेख हसिना प्रधानमन्त्री मोदी र उहाँको मन्त्री परिषद्को शपथ ग्रहण समारोहमा सहभागी भएपछि प्रधानमन्त्री नरेन्द्र मोदीसँग भेटवार्ता गर्नुभयो । उक्त अवसरमा बङ्गलादेशकी प्रधानमन्त्री शेख हसिनाले प्रधानमन्त्री मोदीको नेतृत्वको राष्ट्रिय लोकतान्त्रिक गठबन्धन (एनडिए) ले लोक सभामा बहसमतका लागि पाएको सफलताका लागि बधाई दिनु भएको थियो । उहाँले सम्बन्ध बलियो बनाउन भविष्यमा नयाँ सरकारसँग मिलेर काम गर्ने इच्छा व्यक्त गरेको विदेश मन्त्री हसन महमुदले एएनआईलाई बताउनुभयो ।

बङ्गलादेशकी प्रधानमन्त्री शेख हसिना र उहाँका भारतीय समकक्षी मोदीको नेतृत्वमा दुई देशबीचको सम्बन्ध ‘नयाँ उचाइमा’ पुगेको बताउँदै विदेशमन्त्री महमुदले बङ्गलादेशको तर्फबाट प्रधानमन्त्री मोदीलाई ढाका भ्रमणको निम्तो पनि दिएको बताउनुभयो ।छिमेकीको रूपमा, आफ्हरूसँग धेरै अवसर भएको बताउँदै हाम्रा जनता–जनता बीचको सम्पर्कलाई बलियो बनाउने सन्दर्भमा अझ बढी सहकार्य भएमा यसबाट दुवै मुलुकले लाभ लिने विदेशमन्त्री महमुदले उल्लेख गर्नुभयो ।

राष्ट्रिय लोकतान्त्रिक गठन्धन (एनडिए) ले जुन ५ मा नरेन्द्र मोदीलाई आफ्नो नेताको रूपमा चयन गर्ने प्रस्ताव सर्वसम्मतिले पारित गरेको थियो ।भारतीय संसदको ५४३ सदस्यीय तल्लो सदनको लोकसभा चुनावमा भाजपाको नेतृत्वमा रहेको एनडिएले २९३ सिट जितेको छ ।प्रधानमन्त्री मोदी भारतका संस्थापक प्रधानमन्त्री जवाहरलाल नेहरूपछि लगातार तेस्रो कार्यकाल जित्ने दोस्रो भारतीय नेता हुनुहुन्छ । रासस/एएनआई