सुनाखरी न्युज/ काठमाडौं ।

मनास्लु स्कूलले कक्षा ११ र १२का विद्यार्थीहरूका लागि शिक्षा, उद्यमशीलता, ररोजगारलाई एकीकृत गर्ने उद्देश्यले “3Eभ्कार्यक्रम“को शुरूवात गरेको छ।यो कार्यक्रम स्कूलको सभा कक्षमा आयोजित गरिएको थियो, जहाँ लगभग ७००जना एस.इ.इ. दिएर बसेका विद्यार्थिहरू उपस्थित थिए।

मनास्लु स्कुलका कार्यकारी निर्देशक जे.बि.दवाडीको सभापतित्वमा सुरुवात भएको कार्यक्रममा संस्थाका अध्यक्ष हरि प्रसाद भट्टले परम्परागत ढंगले पानसमा बत्ति बालेर तथा डिजिटल माध्यमबाट समुद्घाटन गरेका थिए ।बिशेष अतिथि नेपाल राष्ट्र बैंकका निर्देशक राजन विक्रम थापाले “भविष्यका योग्य युवाहरू तयार गर्न शिक्षामा उद्यमशीलता र रोजगार (3E)“ शीर्षकमा शीर्षकमाKey Note प्रस्तुती गरे ।

कार्यक्रमको मुख्य आकर्षण उद्योगका प्रमुख नेताहरूको प्यानल छलफल थियो, जसलाई फाइब्रोका सह–संस्थापक र सीईओ सुरज राज पाण्डेले सञ्चालन गरेका थिए ।छलफलमा बिनय खड्का (सीईओ, खल्ती डिजिटल वालेट), इस्मारन दुवाडी (सह–संस्थापक र सीईओ, कोडहिमालय), केदार चौलागाईं (सीईओ, नेपमेड्स), र विवेक प्रकाश (सह–संस्थापक र सीईओ, कोडिंगल, भारत) जस्ता विशिष्ट व्यक्तित्वहरूको सहभागिता थियो।उहाँहरूले उद्यमशीलता प्रवर्द्धनमा शिक्षा र रोजगारको तयारीमा महत्वपूर्ण भूमिका रहेको विषयमा अन्तर्दृष्टिहरू साझा गर्‍यो।

मनास्लु स्कूलका सीईओ नरेश प्रसाद श्रेष्ठले स्वागत भाषणमा कार्यक्रमले विद्यार्थीहरूलाई शैक्षिक ज्ञानसँगै व्यावहारिक सीपहरू विकास गर्न विविध अवसरहरू प्रदान गर्ने प्रतिबद्धता व्यक्त गर्नुभयो। “3Eपहलले विद्यार्थीहरूलाई रोजगार योग्य मात्र नभई रोजगार सिर्जना गर्न सक्षम बनाउन लक्ष्य राखेको छ, जसले अर्थतन्त्रमा योगदान पु¥याउनेछ।कार्यक्रममा युवा स्टार्ट–अपहरू र ICT त्पहलहरूको प्रदर्शनी पनि समावेश थियो, जसले बिद्यार्थिहरूको उद्यमशीलता भावना र नवीन परियोजनाहरूको प्रदर्शन गर्यो।त्यसपछि, स्कुलका बिद्यार्थिहरूको मनोरञ्जनात्मक कार्यक्रम, र फ्रिकस्ट्रिट ब्यान्डको प्रस्तुति सहितको मनोरञ्जन सत्रले दिनको समापन संगीत र रमाइलोका साथ भयो।

मनास्लु स्कूलको 3Eकार्यक्रमले माध्यमिक शिक्षालाई पुनःपरिभाषित गर्दै, विद्यार्थीहरूलाई उच्च शिक्षा र रोजगारी बजारका लागि आवश्यक सीपहरू प्रदान गर्ने बताए ।यस पहलले मनास्लु स्कूललाई उद्यमशीलता र रोजगार योग्यतामा केन्द्रित नवप्रवर्तन शील शिक्षामा अग्रणी बनाउने बताए ।