सुनाखरी न्युज / काठमाडौं ।

पोखरामा विद्यार्थी बोकेको स्कुल बस दुर्घटना भएको छ । पोखरा महानगरपालिका–२१ मट्टिखान जाने सडकको थुन्कु भन्ने ठाउँमा पोखरा–१७ स्थित एल।पी देवकोटा स्कुलको बस पल्टिएको हो । बस सडकबाट झन्डै ६० मिटर तल खसेको जिल्ला प्रहरी कार्यालय कास्कीले जनाएको छ। बसमा चालक, सहचालक र २२ विद्यार्थीसहित २४ जना सवार थिए।

घाइतेमध्ये दुई जनाको अवस्था गम्भीर रहेको बताइएको छ । उनीहरूको पोखरास्थित गण्डकी मेडिकल कलेज र नमस्ते अस्पतालमा उपचार भइरहेको छ ।  जिल्ला प्रहरी कार्यालय, कास्कीका प्रवक्ता वसन्तकुमार शर्माका अनुसार बसका चालक फरार छन् । घटनाको अनुसन्धान थालिएको छ ।

उनीहरूको पश्चिमाञ्चल क्षेत्रीय अस्पताल र गण्डकी मेडिकल कलेजमा उपचार भइरहेको प्रहरीले जनाएको छ । घाइते विद्यार्थीलाई उपचारका लागि अस्पताल ल्याइएको प्रहरीले जनाएको छ । थप विवरण आउन बाँकी रहेको प्रहरीले जनाएको छ ।