सुनाखरी न्युज/ पोखरा।

पोखराको पुरानो संस्था पोखरा फोटोग्राफर संघको हालै सम्पन्न अधिबेशनवाट निर्वाचित कार्य समितिलाई कैलाश बचत तथा ऋण सहकारी संस्थाले एक समारोहका बिच स्वागत तथा सम्मान गरेको छ । कैलाश बचत तथा ऋण सहकारी संस्थाका अध्यक्ष खडानन्द अधिकारी ले पोखरा फोटोग्राफर संघका हालै निर्वाचित अध्यक्ष भक्त तामाङ लगाएत सम्पूर्ण कार्यसमिति तथा महिला उपसमिति संयोजकहरुलाई बधाई तथा शुभकामना सहित मायाको चिनो, सम्मान पत्र तथा खादाले सम्मान गरेका थिए ।

कैलाश बचत तथा ऋण सहकारी संस्थाका अध्यक्ष खडानन्द अधिकारीको अध्यक्षतामा भएको कार्यक्रममा हालै साहारा खेलकुद पुरस्कार वाट सम्मानित संस्थाका लेखा संयोजक परशुराम शर्मा , भरखरै सम्पन्न भएको पोखरा फोटोग्राफी अवार्ड को कैलाश फोटोग्राफर अफ द इयर विधामा फोटोग्राफर अफ द इयर हुन सफल पुन सारु मगर, हितैषि बचत तथा ऋण सहकारी संस्था का अध्यक्ष पदमा संस्थाका सल्लाहकार मदन प्रसाद आचार्य , पोखरा चेम्वर अफ कमर्श को कोषाध्यक्षमा संस्थाका पूर्व अध्यक्ष तथा सल्लाहकार जिवन ढुंगाना लाई पनि बधाई तथा शुभकामना सहित सम्मान पत्र तथा खादाले सम्मान गरिएको थियो ।

पोखरा फोटोग्राफर संघका नव निर्वाचित अध्यक्ष भक्त तामाङले फोटोग्राफरहरुले नै खोलिएको यस सहकारीले फोटोग्राफरहरुको आर्थिक तथा ब्यवसायिक उन्नतीमा अहम् भुमिका खेलेको बताए। कार्यक्रममा पूर्व अध्यक्ष तथा सल्लाहकार दुर्गा प्रसाद पौडेलले सहकारी नै हाम्रो जिवन रहेकोले यसलाई जिवनको उत्तराद्र्ध सम्म हाम्रो आर्थिक आय आर्जनको वाटो बनाउन पर्ने कुरामा जोड दिए ।

पूर्व अध्यक्ष जिवन ढुंगानाले सहकारीको स्थापना कालदेखी बिभिन्न आरोह अवरोह पार गर्दै अहिलेको स्थिति सम्म आउनुमा सम्पूर्ण फोटोग्राफर सेयर सदस्यहरुको हात रहेको बताए । यसंगरि संस्थाका पूर्व अध्यक्ष तथा सल्लाहकार संयोजक शिवहरी अधिकारीले संस्थालाई माथि उठाउन सबै सियो र धागो बनेर जोड्न तिर लाग्नु पर्ने बताए ।

कार्यक्रममा सम्मानित ब्यक्तित्व पुरन सारु मगर,मदन प्रसाद आचार्य,परशुराम शर्मा लगायतले आ–आफ्रनो मन्तब्य राखेका थिए ।महिला समिति संयोजक पूर्ण कुमारी थापाले सहकारीका सात सिद्धान्त वाचन गर्दै सुरु भएको कार्यक्रममा स्वागत उपाध्यक्ष विनोद ढकालले गरेका थिए भने कार्यक्रम संचालन संस्थाका सचिव बिष्णुहरी अधिकारीले गरेका थिए ।