सुनाखरी न्युज/ काठमाडौं ।

काठमाडौंको कीर्तिपुरस्थित चोभारमा आगलागी भएको छ।मंगलबार बिहान कबाडी संकलन केन्द्रमा आगलागी भएको हो।

कबाडी संकलन केन्द्र र बंगुरपालन गरिएको ठाउँमा आगलागी भएको काठमाडौं महानगरपालिकाका सहायक निरीक्षक वसन्तकुमार श्रेष्ठले बताए।

आगलागीको जानकारी हुनेबित्तिकै महानगरको टोली पुगेर आगो नियन्त्रणमा लिने प्रयास गरेको उनले बताए।आगलागी भएको स्थानमा जस्तापाताका टहरा धेरै भएका कारण आगो नियन्त्रणमा लिन नसकिएको उनको भनाइ छ।