सुनाखरी न्युज/ काठमाडौं ।

बलिउड अभिनेता सेफ अली खानमाथि अज्ञात व्यक्तिले धारिलो हतियार प्रहार गरेका छन् । बिहीबार बिहान २ बजे अभिनेता सैफ अली खानको घरमा अज्ञात व्यक्तिले प्रवेश गरी धारिलो हतियारले प्रहार गरेका हुन् ।सैफलाई गम्भीर अवस्थामा लीलावती अस्पतालमा भर्ना गरिएको बताइएको छ ।

अमर उजालामा छापिएको समाचारका अनुसार अबेर राति एक अज्ञात व्यक्ति सैफको घरमा छिरेको थिए । उनले अभिनेतामाथि छुराले आक्रमण गरे । आक्रमणमा सैफ अली खान घाइते भएको र उनलाई मुम्बईको लीलावती अस्पतालमा भर्ना गरिएको बताइएको छ । उनको उपचार भइरहेको प्रहरीले बताएको छ । सैफको स्वास्थ्य अवस्थाबारे अस्पताल कुनै आधिकारिक जानकारी दिएको छैन । घटनापछि प्रहरीले छानबिन सुरु गरेको छ ।